Grafiche Federighi-ის ამბავი 1969 წელს იწყება, როდესაც კარლო და კარლა ფედერიგიმ ოჯახური ბიზნესი დააარსეს. 50 წელზე მეტი გამოცდილება, მუდმივი ინვესტიცია ტექნოლოგიებში, კვლევასა და განათლებაში, კომპანიას აძლევს შესაძლებლობას, შექმნას პრემიუმ კლასის ეტიკეტები, რომლებიც არა მხოლოდ პროდუქტის ვიზუალური ნაწილი, არამედ მისი ისტორიის მთავარი მთხრობელია.

დღეს, მასიმო ფედერიგის ხელმძღვანელობით, სტამბა იტალიის ერთ-ერთ წამყვან მწარმოებლად ითვლება ღვინის, ზეითუნის ზეთისა და სასმელების ეტიკეტების დამზადებაში. კომპანია მდებარეობს ანკონის პროვინციაში, მარკეს რეგიონში.

Grafiche Federighi-ს ძირითადი ღირებულებებია: პრემიუმ ხარისხი, ინოვაცია და მომსახურების მაღალი სტანდარტი – სამი პრინციპი, რომლითაც უკვე ოჯახის მეორე თაობა აგრძელებს საქმიანობას. მათი რწმენით, სწორედ შეფუთვა და ეტიკეტია ის მედიუმი, რომელიც ყველაზე ცოცხლად ყვება ბრენდის ისტორიას.

Grafiche Federighi მომხმარებელს სთავაზობს კონკურენტულ და მოქნილ მომსახურებას როგორც მცირე, ისე დიდი ტირაჟებისთვის. სტამბის კრეატიული მიდგომა კი მხოლოდ ბეჭდვას არ მოიცავს, მათი მიზანია, თითოეული ეტიკეტი და შეფუთვა ბრენდის გამორჩეული ვიზუალური გამოცდილების ნაწილად იქცეს.